Allra veðra von - Sýning og námskeið

Sirkushópurinn Hringleikur heimsækir Austurland í sumar með nýju sirkussýninguna Allra veðra von, ásamt sirkusnámskeiðum fyrir krakka. Hópurinn sýnir á Egilsstöðum í Selskógi 3. ágúst kl. 18:00. Sýningin hentar öllum aldri og er algjörlega óháð tungumálum. Miðaverð er kr. 3000 en frítt er fyrir börn á leikskólaaldri. 

Miðasala er hér: 

 Allra veðra von er nýsirkussýning þar sem sirkuslistin er notuð til að skoða tengsl mannsins við veðrið. Frá upphafi hefur veðrið verið stærsti örlagavaldur lífs á norðlægum slóðum, en með nútíma tækni, farartækjum, húsnæðiskosti og samfélagsgerð hafa bein áhrif veðurs á líf okkar dvínað. Gjörvöll menning Íslendinga er þó sannarlega lituð af áhrifum þessa fyrsta og síðasta umræðuefnis landans og þegar litið er til framtíðar er ekki hjá því komist að horfast í augu við veðrið og þau tengsl sem við höfum við það.

Námskeið

Hringleikur verður með sirkusnámskeið fyrir börn á aldrinum 8-13ára í Íþróttahúsinu í Fellabæ dagana 30. & 31. júli kl. 11:00-13:30. Námskeiðið er ókeypis en takmarkaður fjöldi er í boði. Nánari upplýsingar hér

 

Sláturhúsið // Menningarmiðstöð Fljótsdalshéraðs

Kaupvangi 9, 700 Egilsstaðir // This email address is being protected from spambots. You need JavaScript enabled to view it. // s: 897 9479