Sunnefa, sönn saga?

SUNNEFA – KVENSKÖRUNGUR, FÓRNARLAMB EÐA TÆFA? Sunnefa Jónsdóttir er tvívegis dæmd til drekkingar snemma á átjándu öld. Hún var sögð hafa eignast börn með yngri bróður sínum fyrst þegar hún var sextán ára og svo þegar hún var átján. Á Þingvöllum 1743 neitar hún sök og segir að faðir seinna barnsins sé enginn annar en sýslumaðurinn sem dæmdi hana. Hvernig dirfðist fátæk alþýðustúlka að rísa upp gegn yfirvaldinu? Hvað veitti henni slíkan kjark? Leikhópurinn Svipir setur upp kvennatvíleik þar sem leikkonurnar tvær kafa ofan í magnaða sögu Sunnefu. Þær sanka að sér heimildum, rannsaka og reyna að átta sig á hver þessi unga kona var sem lifði svo myrka tíma. Hvert var raunverulegt faðerni barna hennar? Hvað var í húfi þegar hulunni var svipt af sannleikanum? Hverjar voru þessar „ólánskonur“ sem létu lífið í drekkingarhyljum landsins og það oft fyrir litlar sakir? Leikkonurnar raða brotunum saman, kafa dýpra, setja sig í spor Sunnefu og smám saman lifnar saga hennar á sviðinu.

Sýningin er samstarfsverkefni leikhópsins Svipir og mmf. Árni Friðriksson er höfundur handritsins, Þór Tulinius er leikstjóri og Egill Ingibergsson hannar leikmynd. Leikkonur eru þær Tinna Sverrisdóttir og Margrét Kristín SIgurðardóttir.

Sýningartímar:
Sunnudagur 20. september kl. 20:00
Þriðjudagur 22. september -UPPSELT
Miðvikudagur 23. september - UPPSELT
Fimmtudagur 24. september - UPPSELT
Föstudagur 25. september kl. UPPSELT
Laugardagur 26. september kl. UPPSELT

Miðapantanir í síma 897 9479 á milli kl. 13-16
Miðaverð er kr. 4000

Leikkonur: Tinna Sverrisdóttir og Margrét Kristín Sigurðardóttir

Leikmyndahöfundur: Egill Ingibergsson

Teikningar: Móeiður Helgadóttir

Búningar: Beate Stormo

Lýsing: Egill Ingibergsson

Tónlist og hljóðmynd: Margrét Kristín Sigurðardóttir

Blóðskammarþululag: Kristín Hrönn Waage, Margrét Kristín Sigurðardóttir og Tinna Sverrisdóttir

Sviðshreyfingar: Elín Signý Ragnarsdóttir og Aðalheiður Halldórsdóttir

Höfundur verks: Árni Friðriksson í samstarfi við leikhóp

Leikstjórn: Þór Tulinius

Framkvæmdastjórn: Þór Tulinius

Styrktaraðilar:

Mennta- og menningamálaráðuneytið (Leiklistaráð), Mennta- og menningamálaráðuneytið (Starfslaun Sviðslistafólks), Uppbyggingarsjóður Austurlands og Fljótsdalshérað (MMF)

Sláturhúsið // Menningarmiðstöð Fljótsdalshéraðs

Kaupvangi 9, 700 Egilsstaðir // This email address is being protected from spambots. You need JavaScript enabled to view it. // s: 897 9479