IS/EN

 Tónleikar / kvikmynd / fyrirlestur

Jaco Benckhuijsen er kajakræðari og tónlistarmaður frá Hollandi. Hann hefur farið í nokkrar sólóferðir á kajak meðfram ströndum Íslands, Grænlands, Papúa, Cape Cod, Máritaníu og Alaska. Fimmtudaginn 7.nóvember kemur hann hingað til okkar í Sláturhúsið og sýnir kvikmynd frá ferðum sínum um strendur Íslands ásamt því sem að hann flytur eigið tónverk undir ásamt slagverksleikaranum Joost Lijbaart. Klukkustundarlangir tónleikar sem færa okku,r gegnum  kvikmynd og lifandi tónlist, fegurð og undur hafsins, séð frá pínulitlum kajak. Myndefnið er frá Vestfjörðum, Snæfellsnesi og Suðurströndinni. Fyrir tónleikana mun Jaco halda fyrirlestur (á ensku), með myndefni, frá ferðum sínum um heiminn. Alda píanóhljóða, bylgjur og rafrænn hljóðheimum blandast myndum af svörtum hraunströndum, himni sem speglast af yfirborði hafsins og stormum sem breyta ásýnd hafsins  í fjöll á hreyfingu. 

Film with live music -and lecture

Jaco Benckhuijsen is a solo sea kayaker and musician from The Netherlands. He has completed several solo kayak travels along the coasts of Iceland, Greenland, Papua, Cape Horn, Mauritania and Alaska. From his travels,around Iceland,Jaco made a film and composed music to it. Together with percussionist Joost Lijbaart (also from The Netherlands), he now brings the film, with live music, to Iceland. In a one-hour concert with piano, electronics and percussion, the film images and live music bring you the beauty and wonders of the wild seas, as seen from a tiny kayak. Images come from the Westfjords, Snaefellsnes, and the South Coast.Before the concert, Jaco will give an introduction lecture (in English), with over 200 pictures, on his travels around the world, the people he met, and the practical side of his adventures.Swells of piano sounds, wavy grooves and electronic soundscapes are improvised to images of black lava beaches, skies reflected by the ocean’s surface and storms that turn the sea into moving mountains.Come and enjoy this multi-media arts event!

Barnasýningin um Kjarval: drenginn, manninn og málarann.

í byrjun vikunnar mættu yfir 320 skólabörn af Austurlandi hingað í Sláturhúsið og horfðu á leiksýninguna Kjarval í uppfærslu Borgarleikhússins. Leiksýningin var frumsýnd á Litla Sviðinu í Borgarleikhúsinu árið 2020 og hefur gengið þar síðan. Nær allir 5.bekkingar í Reykjavík og nágrenni hafa þegar séð sýninguna en við fengum Borgarleikhúsið til samstarfs við okkur í tilefni af stærra Kjarvals verkefni sem Sláturhúsið, Minjasafn Austurlands og Skaftfell standa að. Leikmyndin var því staðfærð okkar sýningarrými og leikarar fengu örlítinn tíma til að æfa sýninguna upp hér. Aðeins tveir leikarar taka þátt í sýningunni en það eru þau Íris Tanja Flygenring og Sigurður Ingvarsson.  Stefán Hallur Stefánsson leikstýrði, leikmynd gerði Guðný Hrund Sigurðardóttir, lýsingu hannaði Pálmi Jónsson, tónlistina samdi Úlfur Eldjárn og um hljóð sá Þorbjörn Steingrímsson. Sýningarstjóri er Þórey Selma Sverrisdóttir.

Eftir leiksýninguna fengu gestirnir svo leiðsögn um sýningu Minjasafnsins um Kjarval, en sú sýning er í Sláturhúsinu og opin öllum á opnunartíma okkar

Listmálarinn Jóhannes Sveinsson Kjarval var ekki bara einn merkasti málari sem Íslendingar hafa átt, heldur má segja að hann hafi átt stóran þátt í að kenna þjóð sinni að meta stórbrotna náttúru landsins, náttúrunnar vegna. En hver var þessi sérkennilegi maður – og hvaðan kom hann? Í leikandi léttri fjölskyldusýningu sem byggir að hluta til á verðlaunabók Margrétar Tryggvadóttur um listamanninn, er leitast við að draga upp mynd af Kjarval; drengnum, manninum og málaranum. 

Listin sjálf er sömuleiðis í brennidepli leikverksins ; hvernig hún er allt í kringum okkur og hefur áhrif á lífið alla daga, við horfum á listina og ef við erum heppin þá horfir hún til baka. Jóhannes Kjarval batt bagga sína ekki sömu hnútum og samferðamenn en kenndi okkur að líta umhverfið nýjum augum og sjá listina í hinu stórbrotna jafnt sem hinu hversdagslega – í hrikalegu hrauni en líka í mygluðum flatkökum.

Dansnámskeið eru að hefjast í Sláturhúsinu, kennari er Bryndís Björt Hilmarsdóttir og hefjast námskeiðin þann 10.júni. Allar frekari fyrirspurnir og skráningu á námskeið má senda á This email address is being protected from spambots. You need JavaScript enabled to view it.

7-8 ára mánudaga og miðvikudaga kl 16-17 6 skipti kr 12,000

9-10 ára mánudaga og miðvikudaga kl 17-18 og þriðjudaga 16-17  9 skipti kr 18,000

11-14 ára mánudaga og miðvikudaga kl 18-19 og þriðjudaga 17-18 9 skipti kr 18,000